VETENİM-AZERBAYCANDIR.AZ

Sentyabrın 8-də UEFA 2024 Avropa Çempionatının Türkiyə-Ermənistan matçında stadiona gələn azarkeşlərin yoxlanışında Azərbaycan Bayrağına göstərdiyi ehtirama görə Türkiyə Daxili İşlər Nazirliyinin Düzcə Əmniyyət Müdirliyinin polis məmuru Ramazan Şahin Azərbaycan Respublikası DİN tərəfindən təltif edilib.
VETENİM-AZERBAYCANDIR.AZ xəbər verir ki, bu barədə DİN-in mətbuat xidmətinin rəhbəri Elşad Hacıyev məlumat verib.
Onun sözlərinə görə, daxili işlər naziri, general-polkovnik Vilayət Eyvazov Azərbaycan-Türkiyə dövlətləri arasında qardaşlıq və dostluğun rəmzi olaraq R.Şahinin “Beynəlxalq əməkdaşlığa görə” döş nişanı ilə təltif edilməsi haqqında əmr imzalayıb.
DİN əməkdaşları Türkiyəyə gedərək, təltif medalını və xatirə hədiyyələrini əmniyyət müdiri İbrahim Ərgüdərin iştirakı ilə R.Şahinə təqdim ediblər.