SON DƏQİQƏ

İkinci Qarabağ müharibəsi 27 sentyabr 2020-ci ildə başlayıb, 44 gün davam edib. Həmin müddət ərzində Azərbaycan Ordusu torpaqlarımızı erməni işğalından azad edib.
Vetenim-Azerbaycandir.az bildirir ki, bu barədə tanınmı ukraynalı hərbi jurnalist Roman Boçkalanın hazırladığı videoreportajda bəhs olunur.
İşğaldan azad olunmuş bölgələrimih barədə xüsusi reportaj hazırlamış Roman Boçkala ermənilərin tamamən dağıtdığı, viran qoyduğu Ağdam şəhərinə yönəldib.
"Ağdamı sadəcə, yer üzündən siliblər. Ermənilər bu şəhəri ruhlar şəhərinə çeviriblər. Ağdamda bir bina da qalmayıb. Lakin Azərbaycan rəhbərliyi bu şəhəri yaxın illərdə tam bərpa edəcəyini bəyan edib. Bərpa etmək bir yana - Ağdam Azərbaycanın ən gözəl, müasir şəhərlərindən biri olacaq", - R.Boçkala bildirib.
"Məşhur mahnıdakı kimi, "olmayan şəhər" Ağdam ölkənin vizit kartlarından biri olacaq" söyləyən ukraynalı jurnalistin fikrincə, İkinci Qarabağ Müharibəsində qələbənin bir adı var: İlham Əliyev: "Məhz Azərbaycan Prezidentinin siyasi iradəsi, qətiyyəti, idarəetmə bacarığı, intellekti sayəsində azərbaycanlılar müharibədə qalib gəldilər. O, əsl Ali Baş Komandandır", - R.Boçkala söyləyib.