SON DƏQİQƏ

Qəhrəmanlar can verir, yurdu yaşatmaq üçün...Belə qəhrəmanlardan biri də məktəbin Şəhid məzunu Neymət Fəxrəddin oğlu Məmmədovdur. Vətən müharibəsində Şəhidlik zirvəsinə ucalan oğullar... heç vaxt qəlbimizdən silinməyəcək, daima qəlbimizdə yaşayacaqlar. Biz müəllimlərin məqsəd və məramı isə, bu Şəhidləri tanıtmaq, təbliğat aparmaq və daim valideynlərini, ailələrini ziyarət etməkdir. Məhz bu baxımdan, 09.03.2021-ci il tarixdə məktəbin şəhid məzunu   Neymət Fəxrəddin oğlu Məmmədovun ailəsini məktəb rəhbərliyi, şəhidin ibtidai sinif müəllimi və şinif yoldaşları ziyarət etməyi qərara aldılar. Bu günü seçmək... təsadüfi deyildi! Şəhidin anası Nazilə xanımın doğum günü və 8 Mart Qadınlar bayramı və eləcə də, Milli bayramımız olan " Novruz" un gəlişinin müjdəsini xəbər verən " Yel çərşənbəsi ", Şəhid Neymət Məmmədovun ailəsini ziyarət etməyə, onlara az da olsa sevinc payı verməyə bir stimul idi. Ata və Ana... övladı üçün canından keçməyə hazır olan iki varlıq... Neymət kimi oğul yetişdirdiyinizə görə, sizin qarşınızda baş əyirik... Valideynlər, Neymətin döyüş yollarından söhbət açdılar. Onlar məktəbin direktoru Səmadil xanım Əliyeva başda olmaqla, bütün ziyarət edən qonaqlara təşıkkür etdilər. Göz yaşlarına sahib ola bilməyən isə, ən çox Neymətin ibtidai sinif müəllimi Kifayət Tağıyeva və sinif yoldaşları idi... Səmadil müəllimə öz nöbəsində Neymətin ailəsinə dərin hüznlə başsağlığı verərək bildirdi ki, Neymət kimi oğullar tək sizin deyil, bütöv Azərbaycanın övladlarıdır və onlar daim bizim yaddaşımızda qalacaq, yaşayacaqlar... Allahdan bütün Şəhidlərimizə rəhmət diləyirik! Həmin görüşdən fotoşəkilləri sizlərə təqdim edirik.... 
Vetenim-Azerbaycandir.az
Nailə Muradova