SON DƏQİQƏ

Vetenim-Azerbaycandir.az
İsveç Azərbaycanlılarının Koordinasiya Şurasının təşəbbüsü ilə Norveç və Finlandiya Azərbaycanlılarının Koordinasiya Şuraları ilə birlikdə Xocalı Soyqırımı şəhidlərinin anım toplantısı keçirildi.
 
Xocalı Soyqırımının 29-cu ildönümünə həsr olunmuş toplantıda İsveçin, Norveçin, Finlandiyanın, Almaniyanın, Türkiyənin və Azərbaycanın bir cox təskilatlarının, dərnəklərinin təmsilçiləri, bədii qiraət ustaları və onların yetirmələri istirak etmişlər.
 
İsveç Azərbaycanlılarının Koordinasiya Şurasının əlaqələndiricisi İradə Əliyeva Söderberg toplantıını açıq elan edib, iştirakçıları salamlamışdır. Sonra iştirkçıları anım toplantısının proqramı ilə tanış etmişdir. 
 
İsveç-Azərbaycan Kültür Dərnəyi ODLAR YURDU-nun sədri Sevinc Nemətova (Bakılı)  Xocalı Soyqırımı zamanı qətlə yetirilənlərin, şəhidlərimizin əziz xatirəsini dərin hüznlə yad etmiş və doğma Azərbaycanımızdan dəvət etdiyi, Xocalı Soyqırımı haqqında hazırladıqları çıxış və şeirləri ilə toplantıda iştirak edən bir qrup uşaqlarımızı, gənclərimizi və onların müəllimini həmvətənlərimizə təqdim etmişdir.
 
Anım toplantısında tarix üzrə fəlsəfə doktoru, dosent Boran Əziz “Xocalı Soyqırımı: səbəbləri, həyata keçirilmə üsulları və nəticələri” mövzusunda çıxış etmişdir.
 
Sonra siyasətçi, tarix elmlər namizədi, dosent, Qarabağ Azadlıq Təşkilatının sədri Akif Nağı Xocalının rəsmi statusu, Xocalıya hökmən qayıdacağımızla bağlı fikirlərini bildirmişdir. Anım toplantısında bədii qiraət ustası Bəhiyyə Nağıyeva və onun şagirdləri – “Xəzər” bədii qiraət dərnəyinin üzvləri gözəl poeziya çələngi ilə çıxış etmişdilər.
 
Toplantıda başqa qonaqlara və həmvətənlərə bu barədə söz deməyə və suallar verməyə imkan yaradılmışdır. Mühazirəçilər iştirakçıların müxtəlif suallarını cavablandırmışlar.
 
Toplantıda həmçinin Şirzad Pirallahi və Günay Məmmədova  “Şəhid andı” şeirini iştirakçılara təqdim etmişdirlər.
 
Sonda İradə Əliyeva Söderberq Xocalı Soyqırımının 29-cu ildönümünə həsr olunmus məsafədən toplantıda iştiraklarına görə hamıya tək-tək təşəkkür etmişdir.
Bir sözlə, Xocalı Soyqırımı şəhidlərinin anım toplantısı yüksək səviyyədə, maraqlı və rəngarəng keçirilmişdir.