SON DƏQİQƏ

İsveç Azərbaycanlıları Koordinasiya Şurasının təşəbbüsü, Şuraya üzv “Odlar Yurdu” İsveç-Azərbaycan Kültür Dərnəyi,  İsveç, Norveç, Finlandiya Azərbaycanlılarının Koordinasiya Şuralarının təşkilatçılığı ilə Beynəlxalq Ana dili gününə həsr olunmuş  “Ana dilim-Şirin dilim” adlı tədbir keçirilib. Tədbirdə “Odlar Yurdu” İsveç-Azərbaycan Kültür Dərnəyinin sədri  Sevinc Nemətova, Koordinasiya Şurasının İsveç, Norveç, Finlandiya üzrə əlaqələndiriciləri  İradə Əliyeva Söderberg, Ramil Əliyev, Ülviyyə Cabbarova,Diasporla İş üzrə Dövlət Komitəsinin əməkdaşı, həmçinin, adı çəkilən üç ölkədə, o cümlədən, Almaniya, Azərbaycandan olan soydaşlarımız  iştirak ediblər. Tədbirdə çıxış edənlər Beynəlxalq Ana dili gününün  tarixi və mahiyyəti barədə danışaraq bildiriblər ki, Ana dili hər bir xalqın mədəniyyətinin güzgüsü, milli-mədəni sərvətidir. Hər biri dili yaşadan, zənginləşdirən isə xalqdır. Çıxışçılar qeyd ediblər ki, hansı ölkədə yaşamasından asılı olmayaraq hər bir insan öz Ana dilini bilməli, qorumalı və gələcək nəsillərə ötürməlidir. Tədbirdə Azərbaycan dilinin əlaqəli şəkildə Skandinaviya ölkələrində tədris və tədbirinin genişləndirilməsi və struktdurlaşması  təşəbbüsü irəli sürülüb. Tədbir azyaşlı soydaşlarımızın ifasında Ana dilinə həsr olunmuş şeirlərlə davam edib.



Vetenim-Azerbaycndir.az Kamran Orucov