SON DƏQİQƏ

Vetenim-Azerbaycandir.az
Azərbaycan Respublikasının Korrupsiyaya qarşı mübarizə üzrə Komissiyası kommunal sahədə rəy sorğusunun keçirilməsi məqsədilə qrant müsabiqəsi elan edir.
           
            Müsabiqənin mövzusu:
 
            Kommunal sahədə korrupsiyanın səbəbləri və xüsusiyyətlərinin öyrənilməsi
 
Müsabiqədə iştirak:
 
Müsabiqədə Azərbaycan Respublikasında dövlət qeydiyyatına alınmış Qeyri Hökumət Təşkilatları iştirak edə bilərlər.
 
Müsabiqədə iştiraka dair tələblər:
 
•   Rəy sorğuları və tədqiqatlar aparılması təcrübəsi.
 
• Rəy sorğusu 12 mart 2021-ci il tarixdən etibarən Azərbaycan Respublikasının ərazisində 2000 hüquqi və fiziki şəxslər arasında həyata keçirilməli və nəticələri təhlil edilməlidir.  
 
Layihələrin təqdim edilməsi:
 
            Layihə təklifləri 05 mart 2021-ci ilədək Azərbaycan Respublikası Korrupsiyaya qarşı mübarizə üzrə Komissiyasına elektron poçt ([email protected]) vasitəsilə təqdim olunmalıdır. Müraciət zamanı təşkilatlar kommunal sahədə korrupsiyanın səbəbləri və xüsusiyyətlərinin öyrənilməsi məqsədilə rəy sorğusunun keçirilməsi üçün tələb olunan büdcə ilə birlikdə aşağıdakı sənədləri təqdim etməlidir:
 
• QHT-nin dövlət qeydiyyatı haqqında şəhadətnaməsinin surəti
• Təşkilatın Nizamnaməsinin surəti
• Təşkilatın Dövlət Reyestrindən Çıxarışının surəti
• Təşkilatın VÖEN-nin surəti
• Təşkilatın fəaliyyəti haqqında qısa məlumat  
• Layihəyə rəhbərlik edəcək şəxsin və əsas əməkdaşların tərcümeyi-halı (CV)
 
Qiymətləndirmə meyarları:
 
• Qurumun təcrübəsi.
• Layihənin icrasına dair dəqiq ifadə edilmiş və əsaslandırılmış təsvirin olması.
• Layihənin icrasına cəlb ediləcək mütəxəssislərin oxşar məqsədli layihələrdə iştirak təcrübəsi;
• Qrant layihəsi üçün tələb olunan maliyyələşdirilmənin məbləğinin məntiqli və reallığa uyğun olaraq ciddi şəkildə əsaslandırılması.
• Layihənin səmərəliliyi və layihənin icrası ilə bağlı risklərin qiymətləndirilməsi.
 
Müsabiqənin müddəti:
 
Layihələrin qəbulu 15 fevral 2021-ci il tarixdən başlayır və 5 mart 2021-ci il tarixdə başa çatır.