14:12 - Prezident: "Bu amillər bir yerdə olanda, heç bir qüvvə o xalqın qabağında dura bilməz"
14:11 - Növbəti üç ildə Qarabağ Universitetinin yeni tədris korpusları inşa ediləcək
14:08 - Azərbaycan Prezidenti: Qarabağ Universitetinin yaradılması tarixi hadisədir
14:02 - Azərbaycan və BƏƏ COP29-la əlaqədar mülki aviasiya sahəsində qarşılıqlı əməkdaşlığı genişləndirir
13:56 - Bu gün Xankəndi, Xocalı, Xocavənd və Ağdərə şəhərləri günüdür
13:47 - Azərbaycanda Dövlət Suverenliyi Günüdür
00:20 - Şuşada Bayraq Meydanının açılışı olub
00:12 - Prezident İlham Əliyev Xankəndi Dövlət Dram Teatrının binasında görüləcək işlərlə tanış olub
00:10 - Mehriban Əliyeva bərpadan sonra Üzeyir Hacıbəylinin ev-muzeyindən paylaşım edib
00:07 - İlham Əliyev Ağdam-Əsgəran-Xocalı-Xankəndi avtomobil yolunda aparılan işlərlə tanış olub
00:02 - Ağdam şəhərində "İmarət" stadionunun təməli qoyulub
23:53 - Azərbaycan və İtaliyanın Baş Qərargah rəisləri görüşüb
Ədliyyə Nazirliyi narkomaniya ilə mübarizə tədbirlərinə dair ictimai müzakirə keçirib
Bakı, 26 iyul, AZƏRTAC
İyulun 26-da Ədliyyə Nazirliyi tərəfindən “Narkotik vasitələr, psixotrop maddələr və onların prekursorları üzrə aparılan mübarizə tədbirləri” mövzusunda onlayn ictimai müzakirə təşkil olunub.
AZƏRTAC xəbər verir ki, nazirliyin feysbukdakı səhifəsində canlı yayımlanan tədbirdə Məhkəmə Ekspertizası Mərkəzinin fiziki-kimyəvi ekspertizalar şöbəsinin rəisi Elvin Aslanov, bioloji ekspertizalar şöbəsinin rəisi Səbinə Qədirova, psixoloji ekspertiza şöbəsinin eksperti Nilufər İsmayılova və Tibb baş idarəsinin inspektoru – narkologiya üzrə həkim Fərman Fərmanov iştirak ediblər.
Tədbirdə son dövrlər ölkə gündəminin əsas müzakirə mövzusuna çevrilən narkotik vasitələr, psixotrop maddələr və onların prekursorları üzrə aparılan mübarizə tədbirlərindən danışılıb. Bildirilib ki, narkomanlıq cəmiyyətin mənəvi və əxlaqi dəyərlərinə ciddi zərbə vuran, sosial-iqtisadi inkişafa mənfi təsir göstərən, eyni zamanda, insanların həyat və sağlamlığına böyük təhlükə törədən, həmçinin cinayətkarlığın artmasına səbəb olan əsas amillərdən biridir. Ölkəmizdə bu sosial bəlaya qarşı ciddi mübarizə aparılır. Xüsusilə son dövrlər narkotik tərkibli dərman istifadəçilərinin sayının artması mübarizə tədbirlərinin daha da gücləndirilməsini zəruri edir.
Çıxış edənlər narkotik vasitələr, psixotrop maddələr və onların prekursorlarının qanunvericilik bazasından, Məhkəmə Ekspertizası Mərkəzində aparılan narkotik vasitələrin, psixotrop maddələrin ekspertizasından danışıblar. Qeyd edilib ki, mərkəzdə olan müasir avadanlıqlar narkotik maddələrin ekspertizasını yüksək səviyyədə aparılmasına imkan verir. Məhkəmə-bioloji ekspertizası, bitki mənşəli maddələrin tədqiqi, narkotik təbiətli bitkilərin və onlardan hazırlanmış narkotik vasitələrin tədqiqat metodu, təbii narkotik vasitələrin rəng testləri, nazik təbəqəli xromatoqrafiya ilə ekspertizaları aparılır.
Müzakirələr zamanı yeni narkotik vasitələr, psixotrop maddələrin zərərləri barədə məlumat verilib. Vurğulanıb ki, son zamanlar “patı” adlanan narkotik vasitədən istifadə halları artır. Təəssüf ki, bu vasitədən istifadə qadınlar və uşaqlar arasında da geniş yayılıb.
Tədbirdə xüsusilə narkotik vasitələr, psixotrop maddələr və onların prekursorları üzrə aparılan mübarizədə maarifləndirmə tədbirlərinin əhəmiyyətinə toxunulub.
Onlayn ictimai müzakirədə, həmçinin sosial şəbəkə istifadəçilərini maraqlandıran suallar cavablandırılıb.
© Materiallardan istifadə edərkən hiperlinklə istinad olunmalıdır Mətndə səhv varsa, onu qeyd edib ctrl + enter düyməsini basaraq bizə göndərin