17:34 - Prezident Qarabağ Universitetinə rektor təyin etdi
15:02 - Seyid İbrahim Rəisi: "İranın Azərbaycanla əlaqəsi qonşuluq əlaqəsindən daha üstündür"
15:00 - Latviya parlamentinin sədri Füzulidə səfərdədir
14:58 - Prezident: "İki hidroqovşağın açılışı və istismara verilməsi tarixi hadisədir"
14:57 - Azərbaycan Prezidenti: "Bizim energetika sahəsində çox böyük planlarımız var"
14:56 - İlham Əliyev: "İran ilə Azərbaycan arasında dövlətlərarası münasibətlər ən yüksək səviyyəyə qalxıb"
02:11 - Kəlbəcərin Vəng kəndindən eksklüziv görüntülər - VİDEO
22:16 - İlham Əliyev Zəngilan şəhərinin daxili yol-kommunikasiya şəbəkəsinin təməlini qoyub
22:13 - Hikmət Hacıyev ABŞ Sülh İnstitutunda Azərbaycan-Amerika tərəfdaşlığını müzakirə edib.
19:09 - Rafael Ağayev Ginnesin Rekordlar kitabına düştü!
18:48 - SOCAR-ın vitse-prezidenti OGDC-nin Rəhbər Komitəsinin sədri seçilib - FOTO
18:29 - İlham Əliyev “Zəngilan” və “Şayıflı” Su Elektrik stansiyalarının açılışlarını edib - YENİLƏNİB
İordaniyalı akademik ATƏT-in Minsk qrupunun səmərəsiz fəaliyyətindən yazıb
Qahirə, 12 iyul, AZƏRTAC
İordaniyalı akademik və jurnalist Mərvan Musa Sudah “əl Anbat” qəzetində əvvəllər mövcud olmuş Azərbaycan-Ermənistan Dağlıq Qarabağ münaqişəsinin nizama salınması üzrə vasitəçilik missiyasını həyata keçirən ATƏT-in Minsk qrupunun səmərəsiz fəaliyyətindən yazıb.
AZƏRTAC xəbər verir ki, məqalədə 1992-ci ildə təsis edilmiş və həmsədrləri Fransa, Rusiya və ABŞ olan qrupun fəaliyyətinin səmərəsizliyi təhlil edilir. “ATƏT-in Minsk qrupu uğursuzluğa düçar oldu və fəaliyyətini dayandırdı” sərlövhəli məqalədə müəllif qeyd edir ki, əsas funksiyası Azərbaycan torpaqlarının işğaldan azad olunmasını təmin etmək və BMT Təhlükəsizlik Şurasının bununla bağlı dörd qətnaməsini yerinə yetirmək olan Minsk qrupu, əslində, münaqişənin dondurulması ilə məşğul olub. M.Sudah vurğulayıb: “Otuz ilə yaxın erməni lobbisinin təsiri altında münaqişənin dondurulması istiqamətində və işğalçı dövlətin maraqlarına uyğun fəaliyyət göstərən ATƏT-in Minsk qrupu torpaqları işğal olunmuş, öz doğma yurdlarından didərgin salınmış azərbaycanlıların qanuni tələblərinin yerinə yetirilməsi üçün cüzi iş belə görə bilmədi. Lakin həmin müddət ərzində Azərbaycan Prezidenti İlham Əliyevin müdrik siyasəti sayəsində iqtisadi tərəqqi dövrünü yaşayan, Silahlı Qüvvələri daha da qüdrətli olan, ən müasir silah və texnika ilə təchiz edilən Azərbaycan özünün ərazi bütövlüyünü bərpa etmək istiqamətində ardıcıl və məqsədyönlü tədbirlər həyata keçirdi. Məhz bunun nəticəsində ötən il sentyabrın 27-də başlayan və cəmi 44 gün davam edən müharibədə Azərbaycan Ordusu işğalçı ölkənin silahlı qüvvələrini darmadağın etdi, torpaqlarını azad edərək BMT Təhlükəsizlik Şurasının məlum qətnamələrini özü yerinə yetirdi”.
ATƏT-in Minsk qrupunun rəsmi Bakının etimadını itirdiyini diqqətə çatdıran müəllif yazır ki, bütün bunlara rəğmən Azərbaycan hökuməti işğaldan azad olunmuş ərazilərdə bərpa-quruculuq işlərində bütün ölkələrlə, o cümlədən qrupun həmsədrləri ilə sıx əməkdaşlıq etmək niyyətini ifadə edib.