SON DƏQİQƏ

VETENİM-AZERBAYCANDIR.AZ

Suriyada böyük dəyişikliklərin yaşandığı bir dövrdə Prezident Rəcəb Tayyib Ərdoğanın 15 gün ərzində Dəməşqə səfər etməsi gözlənilir. Bu səfər Türkiyə adına Suriyaya edilən ilk yüksək səviyyəli ziyarət olacaq. Ərdoğanın səfəri ilə əlaqədar olaraq, Həma, Homs və İdlib xətti boyunca fövqəladə hava və qurudan qoruma tədbirləri görülməsi üçün hazırlıqlara başlanılıb.
Dövlət Hava Limanları İdarəsi və Türk Hava Yollarından (THY) bir komanda Dəməşqə gedərək yoxlamalar aparıb. Komanda daha sonra Hələb Beynəlxalq Hava Limanında da yoxlama işləri həyata keçirib.
Ərdoğanın səfəri zamanı o, Əməvi məscidini ziyarət edəcək və HTŞ lideri Colani ilə görüşəcək. Eyni zamanda, Suriya türkmənləri ilə də görüşü gözlənilir.
Prezidentin səfəri üçün Həma, Homs və İdlib xətti boyunca mühafizə qalxanları yaradılacaq və Türk radarları işə salınacaq. Həmçinin, bütün hava hərəkətliliyi nəzarətə alınacaq.
Türkiyə Dəməşqdəkı səfirliyini açdıqdan sonra, Hələb konsulluğu üçün də işləri sürətləndirib. Konsulluğun istifadəyə veriləcəyi bildirilib. Türkiyənin Ərdoğan ətrafında Suriyaya ilk beynəlxalq uçuşunu həyata keçirəcəyi də qeyd olunur.
Bundan başqa, bəzi siyasi partiya liderləri Ərdoğan əleyhdarı jurnalistlər, şərhçilər və QHT rəhbərləri, rəsmi orqanlardan Dəməşqə səfər etmələrini xahiş ediblər. Bəzi mənbələr Bəşər Əsədin son dövrlərdə dəstəkləyicisi olan bu şəxslərin də Dəməşqə səfər edəcəyini bildirir.