VETENİM-AZERBAYCANDIR.AZ

Avstriyadakı Alp buzlaqları 45 ildən sonra tamamilə əriyə bilər.
Bu barədə Avstriyanın Alp Klubunun ekspertləri bildiriblər.
Mütəxəssislərin hesablamalarına görə, 2023-cü ildə Avstriyanın 93 buzlağı orta hesabla 24 metr kiçilib. Eyni zamanda, Pasterze buzlağı 203,5 metr, Rettenbachfernenr isə 127 metr qısalıb.
Alp klubunda xəbərdarlıq ediblər ki, güclü istiləşmə səbəbindən 21-ci əsrin ikinci yarısına qədər demək olar ki, Avstriyada heç bir buzlaq qalmayacaq.
Təşkilat biomüxtəlifliyin qorunub saxlanılması üzrə ümumi səylər çərçivəsində buzlaqların daha çox qorunmasına çağırıb və qeyd edib ki, xizək kurortlarının genişləndirilməsi ilə əlaqədar ölkənin alp rayonları daimi təzyiq altında qalır.
Xatırladaq ki, İsveçrədə də Alp buzlaqları təkcə son iki ildə öz həcminin 10%-ni itirib.