SON DƏQİQƏ

“Dünyada COVID-19-a yoluxma hallarının sayı ardıcılıq olaraq altıncı, ölənlərin sayı ardıcıl olaraq beşinci həftədir azalır”.
“Qafqazinfo” xəbər verir ki, bu sözləri Ümumdünya Səhiyyə Təşkilatının baş direktoru Tedros Adanom Qebreyesus Cenevrədə keçirdiyi brifinqdə deyib.
Baş direktorun sözlərinə görə, dünyanın müxtəlif regionlarında mənzərə birmənalı deyil. Xüsusilə ötən həftə ÜST-ün altı regionundan üçündə ölüm hallarının sayı artıb. Bu vəziyyəti ÜST rəhbəri “iki sürətin pandemiyası” kimi xarakterizə edib: vaksinasiya səviyyəsi yüksək olan bəzi ölkələr sanitariya məhdudiyyətlərini zəiflətməyə başlayır, digər dövlətlər isə hələ də son dərəcə təhlükəli vəziyyətlə üzləşirlər.