SON DƏQİQƏ

VETENİM-AZERBAYCANDIR.AZ
Məlum olduğu kimi, oktyabrın 2 - 6 da Bakı Konqres Mərkəzində Azərbaycanın Kosmik Agentliyinin ("Azərkomos") və Beynəlxalq Astronavtika Federasiyasının tərəfdaşlığı ilə 74-cü Bakı Beynəlxalq Astronavtika Konqresi keçirilir.Dünya miqyasında ən mötəbər tədbirlərdən biri olan bu Beynəlxalq Konqresin ikinci dəfə Azərbaycanda keçirilməsi ölkəmizdə kosmik sənayenin inkişafına, beynəlxalq kosmik icma və onu təmsil edən Beynəlxalq Astronavtika Federasiyası ilə əməkdaşlığın genişləndirilməsinə, habelə qlobal kosmos sənayesinə daha yaxından inteqrasiya istiqamətində əvəzolunmaz imkanlar yaradacaqdır.
Konqresin açılış mərasimində Azərbaycan Respublikasının Prezidenti İlham Əliyev və birinci xanım Mehriban Əliyeva  iştirak ediblər. Dövlətimizin başçısı və birinci xanım Türk Kosmik Agentliyinin, Səudiyyə Ərəbistanının Kosmik Agentliyinin, ABŞ-ın Milli Aeronavtika və Kosmos Administrasiyasının (NASA), Hindistanın Kosmik Tədqiqatlar Təşkilatının, “Israel Aerospace Industries” şirkətinin, İtaliyanın Aeronavtika və Astronavtika Assosiasiyasının, Çinin Astronavtika Cəmiyyətinin və digər şirkətlərin stendlərinə baxdılar.
Tədbirdə bir çox ölkələrlə yanaşı, qardaş Türkiyədən olan nümayəndələrdə iştirak edib.Onların içərisində kosmosa ilk dəfə uçacaq əslən azərbaycanlı olan Türkiyə astronavtı Tuva Cihangir Atasever də var. O, çıxışında qeyd edjb ki: “2023-cü ildə, Türkiyə Cümhuriyyətinin 100 illiyi dönəmində Astronavtika Konqresinin Bakıda keçiriləcəyini öyrənəndə hər kəs Türkiyənin özündə keçiriləcəkmiş kimi sevindi. Həm ölkəm adına, həm öz adıma deyə bilərəm ki, bu, çox sevindirici bir hadisədir. Ana Vətənim Azərbaycanda belə mötəbər tədbirin keçirilməsi, bir astronavt namizədi olaraq bura gəlməm böyük xoşbəxtlikdir”.
O bildirib ki, konqresin ilk günündən etibarən xüsusi proqram çərçivəsində Bakının fərqli yerlərində, məktəblərdə və universitetlərdə olub. Şagirdlərlə, tələbələrlə görüşüb, fikir mübadiləsi aparıblar: “Onların gözündəki həyəcanı və şirin təbəssümləri görəndə çox xoşbəxt oldum. İndiyədək qazandığımız və qazanacağımız təcrübələrimizi bu gənclərə ötürmək və onları həvəsləndirmək bizim ən əsas vəzifələrimizdən biridir”.
Astronavt gələn il kosmosa iki uçuş edəcəyini vurğulayıb. Onlardan biri 2024-cü ilin yanvar ayında, digəri isə mart ayında olacaq. “Hər iki uçuş zamanı elmi araşdırmalar həyata keçirəciyik. 13 mövzuda elmi araşdırma aparılacaq. Gələcəkdə bu elmi araşdırmalar müxtəlif proseslərin, xüsusilə xərçəng xəstəliyinin müalicəsi istiqamətində tətbiq olunacaq”, - deyə astronavt qeyd edib.Tuva Cihangir Atasever deyib ki, biz  Türkiyə ilə bərabər Azərbaycan bayrağını da özümüzlə  kosmosa götürəcəyik. Gələcəkdə Azərbaycanda Aya missiyalar və ya kosmosla bağlı digər layihələr həyata keçirilsə mən həvəslə iştirak edərəm”.
       Türkiyə təmsilçisi Fəridə Bayramova