SON DƏQİQƏ

Martın 23-də Süveyş kanalından keçərkən sahilə çırpılan və kanalda hərəkəti iflic edən “The Ever Given” adlı yük gəmisi aylar sonra kanalı keçib.

“Vətənim-Azərbaycandır.az” xəbər verir ki, bu barədə Misir mətbuatı məlumat yayıb.
Gəminin Aralıq dənizinə doğru yol aldığı bildirilib. Ancaq onun hansı istiqamətə getdiyi açıqlanmayıb.
Xatırladaq ki, Çindən Rotterdama yola düşən, 400 metr uzunluğa və 224 min ton yükgötürmə qabiliyyətinə malik olan “The Ever Given” konteyner gəmisi martın 24-də kanalın 151-ci kilometrliyində saya oturaraq, hərəkətin dayanmasına və yüzlərlə gəminin kanalın girişində tıxac yaratmasına səbəb olub.
Altı günlük çalışmalardan sonra gəmi üzdürülüb, kanalda hərəkət bərpa edilib. Ancaq Misir bu müddətdə ciddi maliyyə itkisi ilə üzləşib. Belə ki, kanalın bağlı qaldığı hər gün bu dövlətə 10-15 milyon dollar başa gəlib.
“The Ever Given” adlı gəminin sahibi olan yapon şirkəti səfərlərin ləngiməsinə görə ticarət gəmilərinin operatorlarından üzr istəyib.