SON DƏQİQƏ

Xəbər verdiyimiz kimi, dünən Hindistanın Tamilnad ştatında göyərtəsində ölkənin Silahlı Qüvvələrinin Müdafiə Nazirliyinin Baş Qərargahının rəisi Bipin Ravatın da olduğu “Mi-17B5” hərbi helikopteri qəzaya uğrayıb.

“Vətənim-Azərbaycandır.az”ın “TASS”a istinadən məlumatına görə, hind hərbçilər bu gün helikopterin “qara qutu”sunu və kabinədən diktofon aşkar ediblər.
Bildirilir ki, bu qurğuların deşifrə edilməsi sayəsində qəzanın səbəblərini aydınlaşdırmaq mümkün olacaq. İlkin məlumata görə, qəzaya səbəb uçuşun həyata keçirildiyi ərazidə çətin meteoroloji şərait olub.
Qeyd edək ki, helikopterin qəzaya uğraması nəticəsində general Bipin Ravat, onun həyat yoldaşı və silahlı qüvvələrin digər 11 üzvü həlak olub.