SON DƏQİQƏ

Azərbaycan qadını bütün dövrlərdə dövlətə öz sədaqəti ilə fədakarlığı ilə seçilmişdir. "8 Mart Beynəlxalq Qadınlar günü" ölkəmizdə rəsmi bayram günü kimi qeyd olunur.Azərbaycan qadını bu istiqamətdə daha böyük qəhrəmanlıq nümunəsini 2020 ci ildə baş verən 2-ci Qarabağ, 44 günlük müharibəsində Vətənin azadlığı uğrunda canlarından keçən şəhidlərimizin anası olaraq yazdırdı qəhrəmanlıq səhifəsinə adını. Bəli Azərbaycan qadını qəhrəman anadır, şəhid anasıdır, müqəddəs qadındır Azərbaycan qadını.
Ölkəmizdə qadın siyasətinin əsasını ümummili lider Heydər Əliyev qoymuşdur. O, qadın şəxsiyyətinə böyük hörmətlə yanaşmış, ölkə həyatının bütün sahələrində qadınlara xüsusi yer ayirmış,qadınların hərtərəfli fəaliyyətinə geniş meydan vermiş, lider qadınlar yetişmişdir. Belə liderlərdən biri də Azərbaycan Respublikasının Birinci vitse-prezidenti Mehriban xanım Əliyevadır. Mehriban xanım Əliyevanın hərtərəfli fəaliyyəti həm ölkədə, həm də beynəlxalq aləmdə Azərbaycan qadınının nüfuzunu daha da yüksəklərə qaldırır. Ölkənin "Yumşaq güc" siyasətinin təcəssümü olan Mehriban xanım Əliyevanın humanitar layihələri ölkəmizə yeni dostlar qazandırmışdır. Ölkənin Birinci vitse-prezidentinin rəhbərliyi ilə milli maraqlarımıza xidmət edən və ənənələrimizi yaşadan çoxlu sayda böyük layihələrin uğurla icra olunmaqdadır. Azərbaycan qadınları cəmiyyətin aparıcı qüvvəsinə çevrilmiş, fəal vətəndaş mövqeyi nümayiş etdirir, vətəndaş cəmiyyəti quruculuğu istiqamətində qadınlarımızın nailiyyətləri məmnunluq hissi doğurur. Ölkəmizdə gender siyasətinin gücləndirilməsi, qadınların cəmiyyətdə rolunun yüksəldilməsi üçün ardıcıl tədbirlər həyata keçirilir.. Azərbaycan qadınları mühüm dövlət qurumlarında, parlament və bələdiyyə lərdə uğurla təmsil olunur, ictimai - siyasi, sosial - iqtisadi, elmi mədəni proseslərdə fəal iştirak edir, ölkə idmanının inkişafına böyük töhfələr verirlər.
Qarşıdan "8 Mart Beynəlxalq Qadınlar günü" gəlir. Bu münasibətlə Respublikamızın bütün qadınlarını, Birinci vitse-prezident Mehriban xanım Əliyeva başda olmaqla səmimi qəlbdən təbrik edirəm. Vətən torpağlarının azadlığı uğrunda canlarını qurban vermiş şəhidlərin qəhrəman analarının qarşısında baş əyirik. Azərbaycanın qəhrəman qadını sizi ürəkdən alqışlayıram. Respublikamızın bütün qadınlarına uzun ömür, can sağlığı diləyirəm.Tanrı sizi qorusun! Bayramınız mübarək olsun hörmətli qadınlar!

Zemfira Ağayeva
Sahibkar Qadınlar İctimai Birliyinin sədri
"Vətənim-Azərbaycandır.az"