SON DƏQİQƏ

Azərbaycan xalqı qürur dolu daha bir ilin astanasındadır.  Qalib bir xalqın, öz sözünü deyə bilən bir məmləkətin vətəndaşı olaraq yaşamaq bir ayrı hisslərdir. Sanki zəfərimizin əldə olunması ilə hər kəsin həyatında bir dəyişkənlik oldu. Milli  vətənpərvərlik ruhunun hakim olmadı bütün bunlarla bir daha özünü ön plana çəkir.  Ölkə başçımız Cənab İlham Əliyevin  hər bir siyasi addımı böyük inam və iftixar hissi ilə öz xalqı ruhlandırmağa davam edir.
  Onun hər səfəri vətəndaşlarda bir ayrı ruh yüksəkliyi yaradır. Gəlim Hadruda olan son səfərə nəzər salaq. Ümumilikdə Hadrut əməliyyatı İkinci Qarabağ müharibəsində xüsusi əhəmiyyətə malik olan bir əməliyyat idi. Strateji qəsəbəni işğaldan azad edilməsi müharibə zamanı gələcək planlarımıza əlavə dəstək verdi. Hadrut işğalçılardan azad edilməsəydi, gələcək əməliyyatlarımız daha böyük çətinliklərlə üzləşə bilərdi. Təsadüfi deyil ki, işğaldan ilk azad edilmiş şəhər olan Cəbrayıldan sonra ikinci böyük yaşayış məntəqəsi Hadrut olmuşdur. Müzəffər Azərbaycan Ordusu ötən il oktyabrın 9-da bu qəsəbəni işğalçılardan azad etmişdir. Mənfur düşmən 30 il ərzində işğal altında olan bütün torpaqlarda güclü istehkamlar və bir neçə xətdən ibarət müdafiə sədləri qurmuşdu. Eyni zamanda, Qarabağ və Şərqi Zəngəzur bölgəsinin təbii relyefi də düşmən üçün əlverişli idi. Çünki bu dağlarda, təpələrdə yerləşərək onlar böyük hərbi üstünlüyə malik idilər. Ona görə bizim hərbçilərimizin həm peşəkarlığı, həm fiziki gücü, mənəvi hazırlığı, vətənpərvərliyi, fədakarlığı bu şərəfli Qələbəmizə nail olmaq üçün bizə imkan yaratdı. Bəli bütün bunlar ölkədə gedən məqsədyönlü işlərin bir hissəsi idi. 
Təkcə Hadrud deyil bütün işqaldan azad olunmuş bölgələrimizdə bu özəlliyi hiss edirik.
 Bizlərə qürurun ən pik nöqtəsini yaşadan məkan isə Qarabağımızın baş tacı olan Şuşamız oldu. O, Şuşa ki, hələ zamanında Azərbaycan xalqının böyük oğlu, Ümummilli Lider Heydər Əliyev deyirdi:-"Şuşasız Qarabağ, Qarabağsız isə ümumiyyətlə  Azərbaycan yoxdur".
 Ölkə başçımız Cənab Ali Baş Komandanımız isə "Mən  ata vəsiyyətini yerinə yetirdim" ifadəsi ilə  Şuşa sən azadsan! dedi və tarixi Azərbaycan torpağı olan Şuşanı bizlərə qaytardı.
  Hadrutdan sonra Şuşaya yol açıldı. Hadrut işğalçılardan azad edilməsəydi, Şuşaya gedib çatmaq daha çətin olardı. Şuşa əməliyyatı artıq bir dastana çevrilib. Dünyanın aparıcı ölkələrinin ali hərbi məktəblərində Şuşa əməliyyatı haqqında indi müzakirələr gedir, təhlillər aparılır və bir çoxları, xüsusilə Şuşada olmuş insanlar inana bilmirlər ki, Azərbaycanın qəhrəman övladları yüngül silahlarla qayalara dırmaşaraq bizim mədəniyyət paytaxtımız olan, Qarabağın tacı olan Şuşanı işğalçılardan azad etdilər.
Hədəfinə nail olmuş  Azərbaycan xalqı işğal altındakı torpaqları azad etdi. Xalq öz Prezidentinə və Qələbəyə hər zaman inanırdı. Artıq Vətənimizin bayrağı işğaldan azad olunmuş torpaqlarda, o cümlədən Şuşada dalğalanır və bu müqəddəs məqsədə şəhidlərimizin qanı-canı bahasına nail olduq. Həmrəyliyin bəhrəsini yaşayan xalq Qarabağı düşmən cəngindən aldı.Torpaqların əsl sahibləri qayıtdı və bundan sonra Azərbaycan xalqı bu torpaqlarda əbədi yaşayacaq. Xalq birləşdi, bir amal uğrunda, bir müqəddəs ideya uğrunda birləşdi və istədiyinə nail oldu.
 Xalqımız bu xoş anları hələ çox yüzilliklər qeyd edəcəkdir və buna görə daima öz ölkə başçısına və müzəffər ordusuna minnətdardır. Qürurverici an həmdə ondan ibarətdir ki, ölkə başçımız İlham Əliyev öz ad günlərini Azərbaycan xalqı ilə birlikdə qeyd edir. Ad günlərində Prezident İlham Əliyev adətən sosial obyektlərin açılışında iştirak edir, məcburi köçkünlərlə və şəhid ailələri ilə görüşür. Bu cür əlamətdar günlərində Prezident  şəhid ailələri üçün inşa edilmiş yeni evlərin açılışlarında, habelə yeni salınmış köçkün qəsəbələrində insanlarla görüşür. 50 illiyini məcburi köçkünlərlə bərabər Ağcabədidə qeyd edən Prezident, 60 illiyini də Qarabağda - Şuşada keçirib; - Qarabağda Azərbaycan muğamı əbədi səslənəcəkdir. Şuşada təşkil olunan tədbirlər bu torpaqların Azərbaycan xalqına, Azərbaycan mədəniyyətinə məxsus olmasını təsdiqləyir. Şuşada Cıdır düzündə yenə də Azərbaycan musiqisinin səsi gəlir. “Xarıbülbül” festivalında Ulu Öndərin Şuşa haqqında tarixi sözlərinin bir hissəsi videoformatda təqdim edildi. Necə böyük inamla, necə böyük sevgi ilə Heydər Əliyev deyirdi ki, biz Şuşaya qayıdacağıq, inanın ki, qayıdacağıq. Bundan sonra bu torpaqlarda Azərbaycan xalqı əbədi yaşayacaq, bundan sonra Qarabağda Azərbaycan muğamı əbədi səslənəcəkdir.
Müstəqil olmaq necə də gözəldir.
Müstəqilliyin əbədi olsun Azərbaycanım!
????????????????
Nəhayət Şirinova  
ADPU Quba filialınının əməkdaşı.
İctimaiyyətçi.
"Vətənim-Azərbaycandır.az" xəbər portalının, "Zirvə" informasiya mərkəzinin, Zım.az saytının şimal zonası üzrə nümayəndəsi.