00:14 - GÖKLERDEN MANEVI RIZIK GELDİ VE CAN SOFRASI KURULDU
20:24 - Azərbaycan səfiri etimadnaməsini İsrail Prezidentinə təqdim etdi - FOTO
18:03 - Qurban Qurbanov “Qalatasaray”la oyuna daha bir futbolçu dəvət etdi
18:01 - “Rusiya sülhməramlılarının addımları Putinin imzası olan üçtərəfli bəyanata ziddir” - RƏY + FOTO
17:58 - Beynəlxalq təhlilçi Azərbaycanı Fransa ilə müqayisə etdi – VİDEO
17:37 - Lavrov: “ABŞ bütün sərhədləri aşıb”
17:23 - Klub prezidentləri Şəhidlər Xiyabanında... - Fotolar
17:17 - “Bu, haylara, eləcə də İrana ibrət dərsidir”
11:56 - Ceyhun Bayramov Çavuşoğlu ilə danışdı
00:23 - Müqəddəs Ramazan ayının ilk günlərində şəhid anası, Dürnisə Əliyeva ziyarət olundu.
17:16 - Ermənistan müharibə istəsə də, sülh müqaviləsi imzalayacaq
16:24 - Mirzoyanın iddialarına - XİN-dən cavab Mirzoyanın iddialarına
“İnnovasiya və Təchizat Mərkəzi” əmlakı ilə birlikdə TƏBİB-in tabeliyinə verildi - FƏRMAN
VETENİM-AZERBAYCANDIR.AZ
Prezident İlham Əliyev Səhiyyə Sahəsində təchizat və təminatla bağlı fəaliyyətin təkmilləşdirilməsi və "Azərbaycan Respublikasında icbari tibbi sığortanın tətbiqinin təmin edilməsi ilə bağlı bir sıra tədbirlər haqqında" Azərbaycan Respublikası Prezidentinin 2018-ci il 20 dekabr tarixli 418 nömrəli Fərmanında dəyişiklik edilməsi barədə Fərman imzalayıb. Fərmanın məqsədi səhiyyə sahəsində təchizat və təminatla bağlı fəaliyyətin təkmilləşdirilməsi üzrə həyata keçirilən tədbirlərin davam etdirilməsidir.
VETENİM-AZERBAYCANDIR.AZ AZƏRTAC-a istinadən bildirir ki, Fərmana əsasən, Səhiyyə Nazirliyinin tabeliyində olan "İnnovasiya və Təchizat Mərkəzi" (bundan sonra - Mərkəz) əmlakı ilə birlikdə TƏBİB-in tabeliyinə verilib. Səhiyyə Nazirliyinə öz tabeliyində "Səhiyyənin Təminat Mərkəzi" (bundan sonra - Qurum) publik hüquqi şəxsi yaratmaq və bu barədə Azərbaycan Respublikasının Prezidentinə məlumat vermək tapşırılıb.
"İnnovasiya və Təchizat Mərkəzi"nin təsisçisinin səlahiyyətlərini TƏBİB həyata keçirir. Mərkəzin saxlanılması və fəaliyyətinin təmin edilməsi onun fəaliyyətindən əldə edilən gəlirlər, icbari tibbi sığorta sistemindən daxil olan vəsait, ianələr, qrantlar və qanunla qadağan edilməyən digər mənbələrdən daxil olan vəsait hesabına icra olunur.
"Səhiyyənin Təminat Mərkəzi"nin təsisçisinin səlahiyyətlərini isə Azərbaycan Respublikasının Səhiyyə Nazirliyi həyata keçirir. Qurumun saxlanılması xərcləri 2023-cü il və növbəti illərin dövlət büdcəsinin mərkəzləşdirilmiş xərclərində Azərbaycan Respublikasının Səhiyyə Nazirliyi üçün nəzərdə tutulmuş vəsait çərçivəsində həyata keçirilir.