SON DƏQİQƏ

VETENİM-AZERBAYCANDIR.AZ
Dekabrın 24-də Prezident İlham Əliyevin Qərbi Azərbaycan İcmasının bir sıra nümayəndələri ilə görüşü zamanı səsləndirdiyi tarixi fikirlərlə həyatımızda yeni bir mərhələyə qədəm qoyuldu. Bu çıxışdan sonra son 200 ildə tarixi torpaqlarımızdan qovulan soydaşlarımızın öz ata-baba yurdlarına qayıdışı prosesinə yeni start verildi. Ölkə Prezidentinin qarşımıza qoyduğu digər məsələlərdən biri də Qayıdış Konsepsiyasının hazırlanması idi ki, artıq həmin konsepsiya ictimaiyyətə təqdim olunub. Bu, təkcə Qərbi azərbaycanlıların yox, eyni zamanda, 60 milyona yaxın azərbaycanlının məsələsidir. Bu baxımdan, Azərbaycanda olan bütün qurumlar bu məsələyə öz töhfəsini verməlidir. Çünki bu, hər birimizi düşündürən ümummilli məsələdir.
VETENİM-AZERBAYCANDIR.AZ Trend-ə istinadən bildirir ki, bunu jurmalistlərə açıqlamasında Qərbi Azərbaycan İcmasının İdarə Heyətinin sədri Əziz Ələkbərli deyib.
Onun sözlərinə görə, soydaşlarımızın öz yurdlarına qayıtması məsələsində ölkədəki qurumlarla yanaşı, ölkə xaricindəki Azərbaycanla bağlı bütün təşkilatlar öz dəstəyini verməlidir:
"Həmçinin, vətəndaş cəmiyyətinin üzərinə çox böyük işlər düşür. Bu gün QHT Agentliyi ilə birgə keçirilən görüşümüzdə də əməkdaşlığımızın müxtəlif aspektlərini müzakirə edəcəyik və gələcəkdə bu istiqamətdə atacağımız addımlarla bağlı qərarlar qəbul edəcəyik".
İcma sədri bildirib ki, bu yaxınlarda Qərbi Azərbaycana Qayıdış Konsepsiyasına İctimai Dəstəklə bağlı qrant müsabiqəsi elan olunub: "Belə hesab edirik ki, həmin müsabiqənin həyata keçirilməsi bu sahədə atılmış mühüm addımlardan biri olacaq".



VETENİM-AZERBAYCANDIR.AZ