SON DƏQİQƏ

VETENİM-AZERBAYCANDIR.AZ
Azərbaycanın çox gözəl və şanlı paytaxtı Bakıya bir daha gəlmək mənim üçün çox xoşdur. İlk növbədə, "Dongfang Electric Corporation" şirkəti - DEC adından istərdim xüsusilə Mingəçevir şəhərində 1280 meqavatlıq elektrik stansiyasının təməlqoyma mərasimi ilə əlaqədar təbriklərimi sizə ifadə edim.
VETENİM-AZERBAYCANDIR.AZ AZƏRTAC-a istinadən bildirir ki, bunu Çinin "Dongfang" şirkətinin baş direktoru Çen Xuacye Mingəçevir şəhərində İstilik Elektrik Stansiyasının təməlqoyma mərasimində deyib.
"Dongfang Electric Corporation" haqqında məlumat verən Çen Xuacye bildirib ki, Çinin ən qabaqcıl 52 dövlət müəssisəsindən biri olan DEC bu ilin əvvəlinə qədər 90-dan çox ölkədəki qlobal istifadəçilərə ümumilikdə 560 qiqavatdan çox enerji istehsal edən qurğular təqdim edib.
"DEC ilə Azərbaycanın energetika sənayesi arasında dostluq Azərbaycanda tikilməkdə olan ən böyük bərpaolunan enerji layihəsi ilə başlamışdır. Bu, Azərbaycanda ən böyük layihələrdən biri hesab olunur. Bu gün isə biz Azərbaycanın ən böyük elektrik stansiyasının təkmilləşdirilməsi və modernləşdirilməsində iştirak etməkdən daha da böyük qürur duyuruq", - deyə Dongfang" şirkətinin baş direktoru vurğulayıb.





VETENİM-AZERBAYCANDIR.AZ