SON DƏQİQƏ

“AŞPA-da çox gərgin bir sessiya keçdi. Ermənilər və ermənilərin ətrafında toplanan şəxslər Azərbaycana qarşı elan edilməmiş informasiya müharibəsi başladıb. Azərbaycana qarşı əvvəlcədən planlaşdırılmış, bir neçə mərhələdən ibarət hücum planı həyata keçirildi”. 
VETENİM-AZƏRBAYCANDIR.AZ xəbər verir ki, bunu Milli Məclisin bu gün keçirilən iclasında deputat Səməd Seyidov bildirib. 
“Plan nədən ibarətədir? Sərhədlərdə provokasiyalar törədilir. Sonra video-foto şantaj, Azərbaycanın imicinə qarşı beynəlxalq səviyyədə xüsusi təxribatların törədilməsi. Bunun əsasında sənədlərin qəbul edilməsi. Ən nəhayət bunların əsasında danışıqlar prosesində özlərinə nəsə əldə etmək”, - deyə Səməd Seyidov qeyd edib. 
O vurğulayıb ki, Avropa Şurası sanki ermənilər tərəfindən xüsusi bir məkan olaraq seçilib: “Çünki, onlar – ermənilər Avropa Birliyi, beynəlxalq səviyyədə uduzduqlarının fərqindədirlər. Artıq Avropada da bilirlər ki, bu provokasiyaları kim törədir və nəyə görə törədir”. 
Eldar Tanrıverdi




VETENİM-AZƏRBAYCANDIR.AZ