SON DƏQİQƏ

“Haqsız qiymət artımına qətiyyən icazə verməyəcəyik, fürsətçilərə göz yummayacağıq”.

“Vətənim-Azərbaycandır.az” xəbər verir ki, bunu Türkiyə Prezidenti Rəcəb Tayyib Ərdoğan özəl televiziya kanalında jurnalistlərin suallarını cavablandırarkən deyib.
Ərdoğan Türkiyənin tətbiqinə başladığı yeni iqtisadi sistemlə bağlı danışıb. Qeyd edib ki, bu vasitə ilə vətəndaşların vəziyyəti yüngülləşdirilir:
“Diqqət edin, bu çox önəmlidir. Yəni vətəndaşların iki zəmanəti var. Biri Türkiyə Mərkəzi Bankı, ikincisi Xəzinə və Maliyyə Nazirliyi. Yəni vətəndaşın itirəcəyi nə isə olmayacaq. Xüsusən də buradakı narazılıqları aradan qaldıraraq 3, 6, 9 məzənnəsi, qeyd olunan tarixlərdə nə olubsa, pulunu burada dəyişdirəndə də eynisini alacaq. Ona görə də biz türk lirəsi əmanətlərinin ödəmə müddətinin uzadılmasına öz töhfəmizi veririk. Vətəndaş da deyir ki, “burda heç bir şikayətim yoxdur, onsuz da dövlətim arxamdadır".