SON DƏQİQƏ

“Ötən dövr ərzində 8200-dən çox  şəhid və qazi ailələri iş yerləri ilə təmin olunub”.

“Vətənim-Azərbaycandır.az” xəbər verir ki, bunu əmək və əhalinin sosial müdafiəsi nazirinin müavini Anar Kərimov büdcə müzakirələri zamanı deputatların fikirlərinə münasibət bildirərkən deyib. 
O qeyd edib ki, növbəti il üçün əsas hədəf peşə standartlarının 1500- ə çatdırılmasıdır: “Ölkənin məşğulluq reyestrinin yaradılması 2022-ci il üçün prioritet olaraq qalır. 
Mənzil məsələsinə gəlincə isə 1997-2020-ci illər ərzində 9200 şəhid və qazi ailəsinə mənzil verilib. Növbəti illərdə bu rəqəm 11 minə qədər artırılacaq.  Gələn il Bakı, Sumqayıt, Samux rayonunda ehtiyacı olan şəxslər mənzillə təmin ediləcək”.