SON DƏQİQƏ

Bakıda 6 gündür müddətdən artıq həqiqi hərbi qulluqçu olan Türkan qəsəbə sakini İlqar Məmmədzadə naməlum şəraitdə itkin düşüb.Vetenim-Azerbaycandir.az əldə etdiyi məlumata görə, 23 yaşlı gənc ''hərbi hissədən çıxıb evə gəlirəm''- desə də, hələ də ondan bir xəbər yoxdur.
Atası Xanhüseyn Məmmədov deyir ki, övladı Suraxanı rayonunda hərbi hissələrdən birində müddətdən artıq həqiqi hərbi xidmət hərbi qulluqçu olub. O, hər gün olduğu kimi səhər saat 6-da evdən çıxaraq işə gedirmiş.
İlqar Məmmədzadənin gəlmədiyini görən valideynləri onun işlədiyi hərbi hissəyə gediblər. Ordan bildiriblər ki, İlqar geri qayıtmayıb. Bundan sonar valideyn “102”  xidmətinə məlumat verib.
Əmisi Təvəkkül Məmmədov isə deyir ki, İlqar çox sakit və heç kimlə ədavəti olmayan biridir. İçki və digər pis vərdişlərdən də hər zaman uzaq olub.
Polisdən İlqar Məmmədzadənin atasına bildiriblər ki, onun axtarışları aparılır və bu barədə digər polis orqanlarına da məlumat verilib.