SON DƏQİQƏ

ABŞ Prezidenti Co Baydenin Əfqanıstan Prezidenti Əşrəf Qəni ilə telefon danışığı olub.
“Vetenim-Azerbaycandir.az” xəbər verir ki, Əfqanıstan lideri bu barədə Tvitter səhifəsində yazıb.
“Bu gün Baydenlə telefon danışığım oldu. Danışığımız zamanı biz sentyabrın əvvəlinədək ABŞ ordusunun Əfqanıstandan çıxarılması qərarını müzakirə etdik”, - deyə Qəni yazıb.
O qeyd edib ki, Əfqanıstan Vaşinqtonun bu qərarına hörmət edir və təhlükəsiz çıxışı təmin etmək üçün əlindən gələni edəcək.
Xatırladaq ki, bundan əvvəl ABŞ Əfqanıstandakı bütün hərbçilərini sentyabrın 11-dən əvvəl ölkədən çıxaracağını bəyan etmişdi.