SON DƏQİQƏ

Ölkədə yerləşən ödəniş terminallarında tədavülə yeni buraxılan 1, 5 və 50 manatlıq əsginasların qəbul edilməsi ilə bağlı problem yaşanır. Belə ki, terminal vasitəsilə ödəniş etmək istəyən şəxs bu pulları aparata daxil etdikdə aparat pulu qəbul etmir və geri qaytarır.
Vetenim-Azerbaycandir.az problemin səbəbini öyrənmək üçün bəzi ödəniş sistemləri ilə əlaqə saxlayıb.
“Milliön” ödəniş sisteminin qaynar xəttindən aldığımız məlumatda bildirilib ki, artıq bir çox terminallar yeni 1, 5 və 50 manatlıq yeni əskinazları qəbul edir:
“Sadəcə bəzi ünvanlarda yerləşən terminallarımız var ki, hələ onlar yeni pulları qəbul etmir. Aparatlara yeni pulların tanıtdırılması prosesi mərhələli şəkildə aparılır. Ona görə də ola bilər ki, bəzi terminallar həmin pulları qəbul etməsin. Hər gün texniki məsələlərlə məşğul olan əməkdaşlarımız hissə-hissə bir neçə terminala yaxınlaşıb yeni pulları həmin aparatlara tanıtdırırlar. Bununla əlaqədar iş hazırda davam edir. Bir çox terminallarımızda isə artıq bu məsələ öz həllini tapıb. Bunlardan bir neçəsinə misal olaraq Səbail rayonu Xəqani küçəsində “Wine House”da quraşdırılan terminal, Nəsimi rayonu Nizami küçəsində “Belaruski” ticarət mərkəzinin qarşısında, Füzuli küçəsində Fövqaladə Hallar Nazirliyinin binasında yerləşən terminal, Yasamal rayonu Zivərbəy Əhmədbəyov küçəsində “BakuMart”ın yanında olan terminalları göstərmək olar. 5 aprel tarixinə artıq 1 146 terminalımızda yeni pulların tanıtdırılması prosesi başa çatdırılıb”.