SON DƏQİQƏ

Ermənistan baş naziri Nikol Paşinyanın həyat yoldaşı Anna Akopyanın Los-Ancelesə səfər etməsi erməni informasiya seqmentində ciddi müzakirələrə səbəb olub.
Ermənistan mediası ölkənin müharibədə ağır məğlubiyyətə uğradığı, minlərlə itki verdiyinə baxmayaraq, Akopyanın doğum gününü keçirmək məqsədilə ABŞ-a getdiyini yazır və sərt tənqidlər səsləndirirlər.
Xüsusilə Annanın bir neçə gün əvvəl Moskvada 5000 dollarlıq yemək sifarişi, konsertlərə qatıldığı xatırlanır.
Lakin Annanın Moskva səfəri ilə Los-Anceles səfəri arasında bir fərq var: Paşinyanın həyat yoldaşı Moskvaya uşaqları ilə getmişdi, Los-Ancelesə isə təkbaşna (iki mühafizəçi ilə) gedib.
“Hraparak” qəzeti bu məqamın təsadüfi olmadığını yazır: “Los-Ancelesdə erməni icması müharibədə məğlubiyyətdən sonra Ermənistan hakimiyyətini görmək istəmir, bu baxımdan,
Annanın ABŞ-a icma ilə görüşmək, yaxud hansısa ehtiyaclar üçün ianələr toplamaq məqsədilə getdiyi istisnadır. Fevralın 1-də Akopyanın doğum günüdür. Bir qadını doğum gününü uşaqlarsız və ərsiz keçirməyə nə məcbur edir?”.