14:12 - Prezident: "Bu amillər bir yerdə olanda, heç bir qüvvə o xalqın qabağında dura bilməz"
14:11 - Növbəti üç ildə Qarabağ Universitetinin yeni tədris korpusları inşa ediləcək
14:08 - Azərbaycan Prezidenti: Qarabağ Universitetinin yaradılması tarixi hadisədir
14:02 - Azərbaycan və BƏƏ COP29-la əlaqədar mülki aviasiya sahəsində qarşılıqlı əməkdaşlığı genişləndirir
13:56 - Bu gün Xankəndi, Xocalı, Xocavənd və Ağdərə şəhərləri günüdür
13:47 - Azərbaycanda Dövlət Suverenliyi Günüdür
00:20 - Şuşada Bayraq Meydanının açılışı olub
00:12 - Prezident İlham Əliyev Xankəndi Dövlət Dram Teatrının binasında görüləcək işlərlə tanış olub
00:10 - Mehriban Əliyeva bərpadan sonra Üzeyir Hacıbəylinin ev-muzeyindən paylaşım edib
00:07 - İlham Əliyev Ağdam-Əsgəran-Xocalı-Xankəndi avtomobil yolunda aparılan işlərlə tanış olub
00:02 - Ağdam şəhərində "İmarət" stadionunun təməli qoyulub
23:53 - Azərbaycan və İtaliyanın Baş Qərargah rəisləri görüşüb
Qızıl yataqlarımızı qanunsuz istismar edən şirkətlərin məhkəməsi olacaq
Azərbaycan Respublikasının Prezidenti İlham Əliyevin Kəlbəcər rayonuna səfəri zamanı etdiyi çıxışda bir məqam xüsusən diqqəti cəlb edib.
Reyting.az-ın məlumatına görə, prezident Əliyev deyib ki, tanınmış beynəlxalq hüquq şirkətləri ölkəyə dəvət olunub və məhkəmə işləri hazırlanır.
Prezident qeyd edib ki, Kəlbəcərdə - Söyüdlüdə, Zəngilanda - Vejnəlidə, başqa yerlərdə Azərbaycana məxsus qızıl yataqları xarici şirkətlər tərəfindən istismar edilib: “O şirkətlər bilmirdilər ki, bu, Azərbaycan torpağıdır? Bilirdilər! Amma buna məhəl qoymurdular. İndi cavab verəcəklər. Biz demişik, əgər istəmirlərsə ki, biz onları dünya miqyasında biabır edək, gəlsinlər, vurulmuş ziyanı ödəsinlər, təzminat ödəsinlər və ondan sonra rahat yaşaya bilərlər”.
Fakta münasibət bildirən Aydınlar Partiyasının sədri, ixtisasca hüquqşünas Qulamhüseyn Əlibəyli Reyting.az-a açıqlamasında deyib ki, bu istiqamətdə Azərbaycan hökuməti real iş görür: “Beynəlxalq hüquq şirkətləri ilə əlaqələr yaradılıb, danışıqlar aparılıb və razılaşmalar əldə edilib. Beynəlxalq məhkəmələrə və mülki beynəlxalq məhkəmələrə müraciətlər hazırlanıb. Hesab edirəm ki, cinayət hüquqi və digər siyasi məsələlərdən fərqli olaraq mülki məsələlər - işğal olunan ərazilərdən istifadə məsələsi hüquqda ziddiyyət törətmir. Bütün ölkələr qəbul edir ki, işğal olunan ərazilərdə iş görmək, başqa şirkətləri ora dəvət etmək, oranı istismar etmək qanunsuzdur. Mənim fikrimcə, bu, çox gözəl məhkəmə perspektivi olan işdir. Aydındır ki, beynəlxalq məhkəmələrdə hüquqi prosedurlar bir qədər uzun çəkir. Amma müəyyən dövrdən sonra biz real məhkəmə qərarı ilə üzləşə bilərik”.
Q. Əlibəyli əlavə edib ki, məhz bu işdə Azərbaycan udacaq: “Azərbaycan torpaqlarını Azərbaycan dövlətinin icazəsi olmadan istismar etmək beynəlxalq hüquqla qadağandır. Ancaq ortada hansısa şikətlərin Ermənistanla razılaşması, müqaviləsi olub. Həmin şirkətlər ərazimizdəki qızıl yataqlarını istismar ediblər. Bunlar faktdır və Azərbaycan bu məhkəmə prosesində qalib gələcək”.