Faiq İsmayılovun Mədəniyyət Nazirliyinə MÜRACİƏTİ:
 
                                                                                         Azərbaycan Respublikası Mədəniyyət Naziri
                                                                                                                                cənab Anar Kərimova
 
                                                    Azərbaycanın İşğal Olunmuş Ərazilərindəki
                                                    Tarix və Mədəniyyət Abidələrini Müdafiə Təşkilatı
                                                     İctimai birliyinin sədri Faiq İsmayılov tərəfindən
 
 
 
                                                            M Ü R A C İ Ə T .
Cənab Nazir  Azərbaycan Respublikasının Mədəniyyət Nazirliyi yanında İctimai Şuraya üzvlərin seçilməsi  prosesi 13 iyul 2021-ci il tarixində Beynəlxalq Muğam Mərkəzində başa çatdı.  Belə bir təşəbbüsdən yararlanaraq, bu sahəyə ictimai fəaliyyətlə məşğul olan ekspertlərin cəlb edilməsi  Azərbaycan Mədəniyyətinin inkişafına fayda verə bilərdi. Bu seçkiyə mənim də namizədliyim qeydə alınmışdı.
 
Güman edirdim ki, Seçkidə istər namizədlər, istərsədə seçicilər, mədəniyyət sahəsində sözünü demiş ictimaiyyət nümayəndələri seçiləcəklər. Lakin düşüncəmdə yanılmışdım. Beləki qeydə alınan namizədlərin 51 nəfərdən 30-u, seçicilərin 258 nəfədən 218-inin qeyri-ixtisas sahibi olması Nazirliyin adına qətiyyən yaraşmırdı. İndi hər kəs üçün maraqlıdır; Axı heyvandarlar, ekoloqlar, iqtisadi sahədə çalışanlar, əlil və müharibə veteran təşkilatların nümayəndələri, ictimai şuraya seçilsələr Mədəniyyət Nazirliyində hansı təşəbbüslərlə çıxış edəcəklər?
 
Cənab Nazir. Bu qeyri-ixtisas sahibləri olan seçicilər seçki başlar-başlamaz bir neçə qrupa bölünərək, seçkiyə gələnlərə onların təqdim etdikləri siyahıdakı adamlara səs verməyə təhrik edərək, seçkinin şəffaf keçirilməsinə mane oldular.  Bu utancverici hadisə seçki bitənə kimi davam etdi. Mən bütün örünü könüllü olaraq Azərbaycanın mədəni irsinin qorunmasına sərf etmiş bir ziyalı kimi sizdən xahiş edirəm. Nə qədərki gec deyil, bu seçkinin nəticələrini ləğv edin. Azərbaycanın qanunları çərçivəsində yenidən seçkilərin keçirilməsinə göstəriş verin. Qoy bir zamanlar Azərbaycan Mədəniyyətinin müxtəlif sahələrində çalışıb Azərbaycan Mədəniyyətinə fayda vermiş ictimaiyyət nümayəndələri seçkidə iştirak etsinlər.
 
                                                                                                                         Hörmətlə,  Faiq İsmayılov.
                                                                                                                                                 13 iyul 2021