SON DƏQİQƏ

VETENİM-AZERBAYCANDIR.AZ
"Dəyərli Azərbaycan müəllimi! Övladlarımızın uğurlarında, xalqımızın zəfərlərində sənin əməyin əvəzsizdir.
Beynəlxalq Müəllimlər Günü münasibətilə ürəkdən təbrik edir, bu şərəfli işdə yeni nailiyyətlər arzulayıram.

Hörmətlə, Emin Əmrullayev".

 Emin müəllim, Cənab Nazir! Öz növbəmdə mən də sizi və rəhbərlik etdiyiniz təhsil camiasını təbrik edirəm.

İstər 1-ci, istərsə də Müzəffər Ali Baş Komandanın rəhbərliyi altında keçirilən 2-ci Qarabağ müharibəsi dönəmi keçirilən "Dəmir yumruq" əməliyyatı zamanı torpaqlarımızı düşmən işğalından azad olunmasında sıralarımızda əziz müəllimlərimizlə birlikdə çiyin-çiyinə Vətənimizi qorumaqdan şərəf duymuşuq. Zəfərə gedən yol təəssüf ki, itkisiz mümkün olmur. Azadlığımız, bütünlüyümüz uğrunda öz əziz canlarından keçərək Vətən olan təhsil işçilərimizi sayqıyla xatırlayır,  hörmət və ehtiramla yad edirik. Nur içində uyusunlar. Ruhları şad olsun. 

 Vətənimizin dar günlərində evdə ailələri, məktəbdə şagirdləri ilə sağollaşaraq sıralarımıza qoşulan, öz canları, qanları bahasına əllərində silah torpaqlarımızı düşmən tapdağından azad edən oğullarımız vardır ki, hal-hazırda rəhbərlik etdiyiniz Təhsil sistemində çalışırlar. Onları da fürsətdən istifadə edərək  peşə bayramları münasibəti ilə həm təbrik edir həm də Zəfər üçün minnətdarlıq hissimi yenidən bölüşmək istəyirəm.

Ulu Öndərimizin də qeyd etdiyi kimi: "Dünyada müəllim adından daha şərəfli ad yoxdur!"

Müəllim adının uca tutulması üçün Cənab Prezidentimiz İlham Əliyevin başçılığı altında  əlinizdən gələni etdiyinizi, onların istər maddi, istər mənəvi ehtiyyaclarının yüksək səviyyədə ödənilməsi istiqamətində atdığınız addımları görür, izləyir və təqdir edirik.

Səmimi, sadə duruşunuz və içdən davranışınız ilə örnəksiniz. Təşəkkür edirəm.

Bir daha sizin və sizin şəxsinizdə bütün Azərbaycan müəllimlərinin bayramı mübarək olsun deyirəm!

Hörmətlə,  Azərbaycan zabiti İqbal Səfərov

Azərbaycan Respublikası Elm və Təhsil Nazirliyi
Emin Amrullayev 
#Müəllimlərgünü