SON DƏQİQƏ

VETENİM-AZERBAYCANDIR.AZ
Mənim üçün Qənirə xanımın xatirəsi hər zaman əziz olacaq. Hamıyla yaxından görüşərdi, hal-əhval heç yorulmazdı, hörmətlə, səbrlə dinləyərdi hər kəsi...
Onun haqqında danışmaqla qurtarmaz...insan nə qədər uzaqgörən, dərindüşüncəli olarmış ilahi. Öncədən  bilirmiş kimi vəsiyyətini də edibmiş. Millətinə  yoxluğu ilə də yaxşılıq etməyi düşünərək orqanlarını da bağışladı.
Azərbaycan xalqı çox dəyərli bir şəxsiyýətini itirdi.
Nur içində yat əziz bacım. Məkanın cənnət olsun...

Allah rəhmət eləsin.Vətənpərvərliyi ilə xalqın sevgisini rəğbətini qazanmış ,Türk dünyasının sevimli qızı,Millət vəkili Qənirə xanım. Dərin hüznlə ailəsinə,əzizlərinə, doğmalarına baş sağlığı veririk.Məkanın cənnət olsun xalqın sevimli övladı.


     Sonda Qənirə xanımın  öz sözləriylə dediyi bir şerini sizinlə bölüşəcəm.
Elə bir həyat yaşadım ki, Cənnəti də gördüm, cəhənnəmi də...
Həyatın qorxaqları sevmədiyini erkən gördüm və cəsarəti  öyrəndim;
Uğuru çalışmadan qazanmağın mümkünsüzlüyünü gör-düm və zəhməti öyrəndim;
Ən böyük sərvətin yaxşılıq olduğunu gördüm və insan ol-mağı öyrəndim;
Xəyanətin ağrısını gördüm və sədaqəti öyrəndim;
Yaradanın sevdiyi bəndələrini imtahanlardan keçirdiyini gördüm və səbri öyrəndim;
Dostların böyük zənginlik olduğunu gördüm və dost ol-mağı öyrəndim;
Xətalardan ibrət almağın ən yaxşı dərs olduğunu gördüm  və özümü öyrəndim;
Birini dünyada hər şeydən çox sevməyin yanlış olduğunu,  itirəndə öyrəndim;
Dünyanın fani olduğunu gördüm və sevməyi öyrəndim;
Özümə söz verdim, nə olursa olsun həyatdan küsməyə-cəksən;
Nə əngəl olursa olsun geri çəkilməyəcəksən;
Xəyallarından, arzularından vaz keçməyəcəksən;
Yıxıldınmı, yenidən qalxacaqsan;
İtirdinmi, yenidən qazanmaq üçün yenidən başlayacaqsan;
Dedi-qodulara qulaqlarını qapayacaqsan;
Qeybəti dilinə haram buyuracaqsan….
Gecə-gündüz çalışacaqsan…
Həyatın qədrini biləcəksən…
Amma ən əsası insan olacaqsan…
O-na şükr etməyi öyrənəcəksən…
Hər kəsdən və hər şeydən daha çox O-nu sevəcəksən…
Bunları daha yaxşı ölüm qoxusunu hiss edəndə öyrəndim….
Ölmədən öncə ölməyin nə demək olduğunu öyrəndim…
Ölmədən öncə ölmək…
Əslində bundan başlamalıydım öyrənməyə….
Onu da öyrəndim…

Allah rəhmət eləsin!


MİLLİ DƏYƏRLƏRİN QORUNMASI İB SƏDRİ DİLARƏ AĞAMUSA