SON DƏQİQƏ

Kəlbəcər daha da gözəlləşib.
Respublikamızın dilbər guşələrindən olan Kəlbəcər rayonu əsrarəngiz gözəlliyə, zəngin təbii sərvətlərə malik diyardır. Uzun illər bu gözəllikdən məhrum qalmışdıq. Lakin Müzəffər Ali Baş Komandan İlham Əliyevin rəhbərliyi ilə digər torpaqlarımız kimi, Kəlbəcərdə də bu gün qalib Azərbaycan əsgəri xidmət aparır. İndi Kəlbəcər daha da gözəlləşib...
Kəlbəcər sanki bir təbiət möcüzəsidir. Bu möcüzəni, təbiət gözəlliklərini nə sözlər, nə rəssam fırçası, nə şair qələmi ifadə edə bilər. Rayonun ərazisi dağlıqdır. Ən yüksək zirvələri Gamış dağı (3724 metr) və Dəlidağdır (3616 metr). Rayon ərazisində çökmə, vulkanogen-çökmə və vulkanik süxurları yayılıb. Gözəl təbiəti, saf dağ iqlimi, zəngin mineral suları, o cümlədən Yuxarı İstisu, Aşağı İstisu kimi müalicəvi təsirə malik mineral su yataqları burada turizmin inkişafını şərtləndirir.
Kəlbəcər rayonunun işğaldan azad olunduğu günü Azərbaycan xalqı uzun illər ərzində səbirsizliklə gözləyirdi. Azərbaycan, Rusiya prezidentləri və Ermənistanın baş nazirinin noyabrın 10-da imzaladığı üçtərəfli bəyanat Kəlbəcərin geri qaytarılmasını təmin etdi. Azərbaycan Vətən müharibəsinin 44 günü ərzində 4 rayonu, Şuşa və Dağlıq Qarabağdakı digər torpaqlarımızın mühüm hissəsini hərbi yolla işğaldan azad etdi. Noyabrın 20-də Azərbaycan Ağdamı, Noyabrın 25-də isə Kəlbəcər rayonunusiyasi yolla nəzarəti altına keçirdi. Kəlbəcər də Müzəffər AliBaş Komandanın İkinci Qarabağ müharibəsində yürütdüyühərbi-siyasi yolun davamı olaraq bir güllə atılmadan azad edildivə düşmən rayondan çıxmağa məcbur edildi. Bu, Azərbaycanın döyüş meydanında olduğu kimi diplomatik danışıqlarda da qalibolmasının göstəricisidir. Kəlbəcərin qaytarılması Azərbaycanın möhtəşəm tarixi Qələbəsinin daha bir təsdiqidir.
Kəmalə Rüstəmova,
Yeni Azərbaycan Partiyası Goranboy rayon təşkilatı fəalı.


VETENİM-AZERBAYCANDIR.AZ