SON DƏQİQƏ

“Rəsmi Ankara Rusiya və ABŞ prezidentləri Vladimir Putin və Co Bayden arasında ünsiyyət və Rusiya-NATO formatında görüşlərdən sonra vəziyyətin normallaşacağına ümid edir”.

“Vətənim-Azərbaycandır.az” Türkiyə mediasına istinadən xəbər verir ki, bunu Türkiyənin xarici işlər naziri Mövlud Çavuşoğlu bildirib.
“Bildiyiniz kimi, Putin və Bayden Ukrayna böhranını müzakirə etmək üçün telefon əlaqəsi saxlayacaqlar. Bu dəfə Rusiya tərəfinin təşəbbüsü ilə. Ayın 10-u və 12-də Rusiya-NATO formatında ikitərəfli təmaslar da baş tutacaq. Bu gərginliyin davam etməməsi şərtdir”,- deyə Çavuşoğlu qeyd edib.
Qeyd edək ki, Rusiya və ABŞ prezidentləri arasında telefon danışığı axşam saatlarında baş tutacaq. Ağ Evin daha əvvəl bildirdiyi kimi, Bayden Putinlə bir sıra mövzuları, o cümlədən yanvarın 10-da gözlənilən ABŞ-Rusiya danışıqlarını, həmçinin Rusiya-NATO Şurasının iclasını və ATƏT-in ərazisində keçiriləcək iclası müzakirə etmək niyyətindədir.