SON DƏQİQƏ

"Vətənim-Azərbaycandır".az xəbər portalı 10.12.2021ci il tarixində Azərbaycanda autizm sahəsində yaradılmış ilk sayt Autizm.az saytının yenidən bərpasının təqdimatı mərasimində iştirak etdi. Tədbir  Azərbaycan Dövlət Himni ilə açıldı. 10 dekabr Ulu öndərin anım gününə təsadüf etdiyindən,Vətən uğrunda canını qurban vermiş Şəhidlərimizin və helikopter qəzasında həlak olan on dörd igid zabitimizin əziz xatirəsi bir dəqiqəlik sükutla yad edildi. Sonra tədbirin giriş hissəsi başladı. Autizm Defektoloji və Psixoloji Yardım Mərkəzi İctimai Birliyinin sədri Çiçək Qəzənfərqızı  tədbirdə iştirak edən qonaqları təqdim etdi. Tədbirdə Beynəlxalq Əlillər Cəmiyyətinin sədri ,Əlillər Dünyası qəzetinin Baş redaktoru,Turan Dünyasi İctimai Birliyinin sədri Tahir Xudiyev, Azərbaycanda ilk Uşaq təşkilatının rəhbəri saysız kimsəsiz uşaqlara sahib duran, onlara təhsil verən, təmənnasız olaraq maddi və mənəvi yardımlar edən Gülər xanım Əhmədova, İstedadlı Əlillər İctimai Birliyinin nümayəndəsi Rafael Quliyev və digər təşkilat nümayəndələri iştirak edirdi. Söz ilk olaraq Tahir Xudiyevə verildi və 2008-ci ildə ilk  dəfə Beynəlxalq səviyyədə ilk autizm konfransı keçirməyindən, autizmi gündəmə gətirməyin dən danışdı. Sonra Gülər Əhmədova autizmin psixoloji problem olmağından və onun həlli yollarından da danışdı. Sonra söz Mərkəzin mütəxəssisi pedaqoq-psixoloq Samirə Mustafayeva ya verildi. O saytı tədbir iştirakçılarına təqdim etdi. Təqdimatdan sonra tədbir iştirakçıları çıxış etdi və sonda xatirə şəkilləri çəkildi.
Autizm Mətbuat Xidməti
Nailə Muradova 
"Vətənim-Azərbaycandır".az