SON DƏQİQƏ

Türkiyə parlamentinin rəhbəri Türkiyə və Azərbaycanın birgə türk ordusunun yaradılması ilə bağlı danışıqlar aparıldığını bildirib.
"Türkiyə və Azərbaycan birgə türk ordusunun yaradılması ilə bağlı danışıqlar aparılır", - deyə Türkiyə Böyük Millət Məclisinin sədri Mustafa Şentop Gəncədə keçirilən mətbuat konfransı zamanı bildirib.
Qalanews Sputnik-ə istinadən xəbər verir ki, onun sözlərinə görə, razılaşmalar çərçivəsində, iki ölkənin hərbi təlimləri də keçirilir.
"Bizim fikrimiz bir millətdir, iki dövlətdir. Bu həmişə belə olacaq. Bununla əlaqədar bir çox danışıqlar və razılaşmalar baş tutub ", - deyə o əlavə edib.
Çərşənbə axşamı Bakıda Azərbaycan, Türkiyə və Pakistan parlamentlərinin spikerləri Sahibə Qafarova, Mustafa Şentop və Əsəd Qayserinin ilk üçtərəfli görüşü keçirilib. Üçtərəfli görüşün yekununda parlamentlərin başçıları Bakı Bəyannaməsini imzaladılar.