SON DƏQİQƏ

“Xamenei Ermənistana silah göndərərkən, Azərbaycan üçün də fətva göndəribmiş. Amma Xameneinin fətvası Xameneinin silahını məğlub edib”.
 Yeniavaz.com xəbər verir ki, bu sözləri Türkiyə prezidenti Rəcəb Tayyib Ərdoğanın baş məsləhətçisi M. Mücahit Küçükyılmaz öz tviter səhifəsində paylaşıb.
Küçükyılmaz bu sözləri Qafqaz Müsəlmanları İdarəsinin sədri, Şeyxülislam Hacı Allahşükür Paşazadənin İranın dini lideri Ayətullah Əli Xamenei ilə bağlı səsləndirdiyi fikirlə əlaqədar dilə gətirib.
Xatırladaq ki, şeyxin açıqlaması belə idi: “Mən Xamenei həzrətlərinə müsəlmanlar, dindarlar adından təşəkkür edirəm. Deyə bilərəm ki, onun fətvası qələbənin carçısı idi. O qərar verdi ki, Qarabağ İslam torpağıdır və orada canını verənlər də şəhiddir. Bu bizim qələbəmizi sübut elədi, gətirib həmin qələbəyə çıxartdı”.