SON DƏQİQƏ

VETENİM-AZERBAYCANDİR.AZ

​​​​Hörmətli həmkarlar, əziz media nümayəndələri!
Sizi 22 İyul – Azərbaycan Milli Mətbuat Günü münasibətilə səmimi qəlbdən təbrik edir, hər birinizə möhkəm cansağlığı, tükənməz yaradıcılıq əzmi, yeni peşə uğurları və ailə səadəti arzulayıram.
Azərbaycan milli mətbuatı 150 ilə yaxın şərəfli inkişaf yolu keçərək cəmiyyətimizin maariflənməsində, milli dəyərlərimizin qorunmasında, dövlətçiliyimizin möhkəmlənməsində və ictimai fikrin formalaşmasında mühüm rol oynayıb. Bu gün də jurnalistlər böyük məsuliyyətlə fəaliyyət göstərərək həqiqətin cəmiyyətə çatdırılması, operativ və obyektiv informasiya təminatının həyata keçirilməsi istiqamətində fədakarlıq nümayiş etdirirlər.
Müasir dövrdə informasiya təhlükəsizliyinin təmin olunması, milli maraqların müdafiəsi və peşəkar jurnalistika prinsiplərinin qorunması hər bir media nümayəndəsinin əsas vəzifələrindəndir. İnanıram ki, Azərbaycan mediası bundan sonra da öz şərəfli missiyasını uğurla davam etdirəcək.
"Vətənim Azərbaycandır" xəbər portalı olaraq ölkəmizin inkişafına, milli maraqların təbliğinə və obyektiv jurnalistikanın inkişafına bundan sonra da öz töhfəmizi verməyə çalışacağıq.
Milli Mətbuat Günü münasibətilə bütün jurnalistləri, foto və video müxbirləri, operatorları, redaktorları və media sahəsində çalışan hər kəsi ürəkdən təbrik edir, fəaliyyətinizdə uğurlar, qələminizə qüvvət, daim obyektiv və peşəkar olmağı arzulayıram.
22 İyul – Milli Mətbuat Gününüz mübarək!
Hörmətlə,
Kamran Orucov
"Vətənim Azərbaycandır" xəbər portalının baş redaktoru