SON DƏQİQƏ

VETENİM-AZERBAYCANDİR.AZ

Hər bir dövlətin sabitliyi, vətəndaşlarının təhlükəsizliyi və qanunun aliliyi güclü hüquq-mühafizə sistemi ilə təmin olunur. Bu sistemin əsas dayaqlarından biri də Azərbaycan Polisidir. Hər il 2 iyul tarixinin Azərbaycan Polisi Günü kimi qeyd olunması polis əməkdaşlarının cəmiyyət qarşısındakı fədakar xidmətinə verilən yüksək qiymətin ifadəsidir.
Azərbaycan Polisi yarandığı ilk gündən dövlətçiliyin qorunmasına, ictimai asayişin təmin edilməsinə, cinayətkarlığa qarşı qətiyyətli mübarizəyə və vətəndaşların hüquq və azadlıqlarının müdafiəsinə xidmət edir. Onlar gecə-gündüz, bayram və istirahət günü tanımadan öz peşə borclarını yerinə yetirir, insanların təhlükəsizliyi naminə məsuliyyətli və şərəfli xidmət aparırlar.
Müasir dövrdə polis orqanlarının fəaliyyəti daha da təkmilləşdirilmiş, informasiya texnologiyalarının tətbiqi, peşəkarlığın artırılması və vətəndaş məmnunluğunun təmin olunması istiqamətində mühüm addımlar atılmışdır. Polis əməkdaşları təkcə cinayətkarlığa qarşı mübarizə aparmır, həm də cəmiyyətin əmin-amanlığının, sabitliyinin və dövlətin təhlükəsizliyinin etibarlı təminatçılarından biri kimi çıxış edirlər.
Bu əlamətdar gündə Vətənə və xalqa sədaqətlə xidmət edən bütün polis əməkdaşlarını səmimi qəlbdən təbrik edir, onlara möhkəm cansağlığı, məsuliyyətli fəaliyyətlərində uğurlar, ailə səadəti və şərəfli xidmət yollarında yeni nailiyyətlər arzulayırıq. Şəhid olmuş polis əməkdaşlarının əziz xatirəsini dərin ehtiramla yad edir, qazilərimizə şəfa diləyirik.
2 İyul – Azərbaycan Polisi Günü mübarək! Qanunun keşiyində ayıq-sayıq dayanan bütün polis əməkdaşlarına sonsuz minnətdarlıq və ehtiram!