SON DƏQİQƏ

VETENİM-AZERBAYCANDİR.AZ

Novruz bayramı münasibətilə Dənizkənarı Milli Parkda ziyarətçilər üçün xüsusi bayram guşəsi yaradılıb.
bu il məkanın tərtibatında əvvəlki illərdən fərqli olaraq daha dinamik və rəngarəng dizayna üstünlük verilib.
Dekorasiyada baharın gəlişini və Novruz ənənələrini əks etdirən elementlərdən geniş istifadə olunub.
Parkın ümumi estetikasına uyğun qurulan guşədə Novruz atributları yerləşdirilib, baharın yenilənmə ruhunu ifadə edən müxtəlif dekorativ kompozisiyalar hazırlanıb. Məkan mövsümi çiçəklərlə bəzədilib və ziyarətçilərin daxil olan kimi bahar ab-havasını hiss etməsi üçün xüsusi tərtibat həyata keçirilib.
Burada həmçinin Novruz ənənələrini əks etdirən fotokünclər də yaradılıb. Ziyarətçilər bu məkanlarda xatirə şəkilləri çəkdirərək bayram əhval-ruhiyyəsini daha yaxından yaşaya biləcəklər.
Bayram guşəsi hazırlanarkən həm böyüklərin, həm də uşaqların istirahəti nəzərə alınıb. Ərazi ziyarətçilərin asudə vaxtını rahat və maraqlı keçirməsi üçün parkın ümumi üslubuna uyğun şəkildə təşkil edilib, uşaqlar üçün də əyləncə imkanları yaradılıb.
Son illərdə Dənizkənarı Milli Parkda təşkil olunan bayram yarmarkaları və tematik guşələrə xüsusi diqqət yetirilir. Məqsəd hər il ziyarətçilərə daha maraqlı və cəlbedici bayram mühiti təqdim etməkdir. Bu il də hazırlanan guşə bulvara gələnlərə Novruzun sevincini və baharın təravətini hiss etdirməyi hədəfləyir.