SON DƏQİQƏ

VETENİM-AZERBAYCANDİR.AZ

Rumıniya Prezidenti Nikuşor Danın təyyarəsi güclü qar səbəbindən Paris hava limanından uça bilməyib.
bu barədə Rumıniya Xarici İşlər Nazirliyi məlumat yayıb.
Bildirilir ki, "Spartan" tipli təyyarə yanvarın 7-si, çərşənbə günü səhər saatlarında uçuşa hazır vəziyyətə gətirilib. Lakin uçuş-enmə zolağının qarla örtülməsi səbəbindən uçuş təxirə salınıb.
"Dünən uçmamaq qərarına gəldik, çünki Buxarestdə sıx duman olduğundan ora gecə saat üç-dörd radələrində çata bilərdik", – deyə prezident Nikuşor Dan bildirib.

Rumıniya prezidenti əlavə edib ki, Fransada bu ölkə üçün qeyri-adi hava şəraiti müşahidə olunur. Onun sözlərinə görə, hazırda ekipaj və sərnişinlər uçuş-enmə zolağının təmizlənməsi işlərinin başa çatmasını gözləyirlər ki, təhlükəsiz uçuş mümkün olsun.