SON DƏQİQƏ

VETENİM-AZERBAYCANDİR.AZ

Bir-birindən fərqli tədbirlərini uğurla həyata keçirən“VİP” Mərkəzinin növbəti tədbiri Ümummilli Lider Heydər Əliyevin 102-ci ildönümünə həsr olundu.  
General-mayor Həzi Aslanov adına Sumqayıt şəhər 22 nömrəli tam orta ümumtəhsil məktəbində həyata keçirilən  “Repressiya qurbanlarına Heydər Əliyev qayğısı; Hüseyn Cavidi anırıq” adlı tədbir Dövlət himninin səslənməsi ilə başladı. Məktəbin direktoru Tahirə Səfərova tədbir iştirakçılarını salamladıqdan sonra, Azərbaycanın azadlığı və bütövlüyü uğrunda canlarından keçən Şəhidlərimizin əziz xatirəsi bir dəqiqəlik sükutla yad edildi. Tahirə xanım Heydər Əliyev şəxsiyyətindən söz açaraq, tədbirin mahiyyətini qeyd etdi. Sonra sözü tədbirin təşəbbüskarı və təşkilatçısı olan, “Video-İnterneyşnl Prodüser” Mərkəzinin təsisçisi və Baş direktoru, AYB, AJB və AAB-nin üzvü, jurnalist, yazıçı-publisist Aygün Hacıyevaya verdi.
Aygün xanım ilk əvvəl tədbirin həyata keçirilməsi üçün imkan yaradan Abşeron-Xızı Regional Təhsil İdarəsinin müdiri İlhamə xanım Abdullayevaya təşəkkürünü bildirdi.
Daha sonra o, tədbirin yüksək səviyyədə keçirilməsi üçün əlindən gələni əsirgəməyən Tahirə xanıma minnətdarlıq etdi. Həmçinin A.Hacıyeva Heydər Əliyevə həsr olunmuş sərginin təşkilində, gözəl səhnə tərtibatında...zəhməti keçən, məktəbin direktoru başda olmaqla, pedaqoji kollektivə, texniki işçilərə razılığını bildirdi və bundan sonra  da birgə əməkdaşlığınuğurla davam edəcəyinə inandığını vurğuladı.
İlk təqdimat Şəhid ailələrinə aid oldu. Daha sonra dəvət olunan qonaqlar təqdim olundu. Nəhayət, söz əsas qonağa - Ulu Öndərin tapşırığı ilə uzaq Sibirdən Hüseyn Cavidin nəşini gətirmək üçün yaradılan komissiyanın sədri, o zaman Naxçıvan Vilayət Partiya Komitəsinin "İdeoloji işlər üzrə" katibi işləmiş polkovnik Həmid Cəfərova verildi. 
Həmid Cəfərov Ulu Öndərin həyat yoluna nəzər salaraq, onun Azərbaycan tarixindəki misilsiz xidmətlərindən söz açdı. Heydər Əliyevin, digər sahələrə olduğu kimi, ədəbiyyatımıza olan xüsusi diqqətini vurğulayan natiq,onu da qeyd etdi ki, məhz Heydər Əliyevin diqqət və qayğısı, göstərişi sayəsində Azərbaycan ədəbiyyatının tanınmış mütəfəkkiri Hüseyn Cavidin nəşi uzaq Sibirdən doğma vətəninə gətirildi. 

Həmçinin Heydər Əliyevin qərarı ilə, Hüseyn Cavid doğma yurdu olan Naxçıvanda torpağa tapşırıldı. Həmid Cəfərov dahi şəxsiyyətləri xoş xatirəylə yad edərək, onlar haqqında geniş məlumat verdi, H.Cavidin nəşinin gətirilməsi istiqamətində görülən işlərdən, üzləşdikləri çətinliklərdən danışdı.Baş verən hadisələri özündə əks etdirən qısametrajlı filmin nümayişindən sonra, Həmid müəllim tədbir iştirakçılarının ona ünvanladığı sualları həvəslə cavablandırdı.
Tədbirdə məktəbin şəhidlərinin ailə üzvləri və şəxsən dəvət olunmuş qonaqlarla yanaşı, şəhər ictimaiyyəti və media nümayəndələri, qələm və iş adamları, QHT rəhbərləri, şəhər məktəblərində çalışan ədəbiyyat və tarix müəllimləri, məktəbin pedaqoji kollektivi iştirak edirdi.
Ən maraqlısı, tədbirə qonaq qismində dəvət alanməktəbin veteran müəllimlərinin  və məzunların görüşüoldu.
Bu görüş tədbirə xüsusi bir rəng qatdı. Respublikanın tanınmış qiraətçisi Cəbrayıl Qənbərin (həmçinin müharibə iştirakçısı, hərbi mütəxəssis və s. titulların sahibi) və  neçə-neçə müsabiqələrin qalibi olan,vətənpərvər, istedadlı məktəbli (rəssamlıq, rəqs, qiraət, mahnı ifası, aktyorluq üzrə), 4-cü sinif şagirdi  Leyla Məmmədovanın ifasında səslənən şeirlər tədbir iştirakçıları tərəfindən alqışla qarşılandı.
Tədbirin sonunda Aygün Hacıyeva Həmid Cəfərova və tədbir iştirakçılarına öz dərin təşəkkürünü bildirdi, məktəbin direktoru Tahirə xanım Səfərova başda olmaqla, mehriban və işgüzar kollektivə yaratdıqları şəraitə və göstərdikləri diqqətə görə minnətdarlıqetməklə, gələcək işlərində uğurlar dilədi. Daha sonra tədbir iştirakçıları səhnənin önündə təşkil olunmuş sərgi ilə yaxından tanış oldular.
Bu sərgi Həmid Cəfərovun zəhməti sayəsində, tarixi faktları özündə əks etdirən arxiv sənədlərindən, fotoşəkillərdən, qəzet və jurnallardan toplanmış materiallardan hazırlanmış, müxtəlif dövrləri əhatə edən albomlardan ibarət idi. Həmid müəllim çox böyük həvəslə tədbir iştirakçılarını bir daha məlumatlandırdı, sualları cavablandırdı.
Uğurla başa çatan tədbir çay süfrəsi arxasında davam etdi.
Yaşanan gözəl bir gün tədbirin çəkilişini aparan və şəkilləri çəkən peşəkar operator, foto-müxbir Əli Əliyevin sayəsində tarixin yaddaşına həkk olundu.
Ümummilli lider Heydər Əliyevin həyat və fəaliyyəti hər bir gənc üçün BÖYÜK MƏKTƏBdir! İnanırıq ki, illər, əsrlər keçsə də, Azərbaycan xalqının, millətinin qəlbində əbədi yeri olan, qürurla “MƏN AZƏRBAYCANLIYAM!” deyən dahi şəxsiyyət heç bir zaman unudulmayacaq, xoş xatirəylə yad ediləcək!