SON DƏQİQƏ

VETENİM-AZERBAYCANDIR.AZ

Türkiyənin milli müdafiə naziri Yaşar Güler ​​ölkəsinin Silahlı Qüvvələri ilə Azərbaycan Silahlı Qüvvələri arasında əməkdaşlığın getdikcə daha da davam etdiriləcəyini bildirib.

VETENİM-AZERBAYCANDIR.AZ xəbər verir ki, nazir Güler ​​bu haqda Prezident Rəcəb Tayyib Ərdoğanı Azərbaycana səfərində müşayiət edərkən jurnalistlərin suallarını cavablandıran zaman danışıb.

“İndiyə qədər etdiyimiz kimi, “bir millət, iki dövlət” prinsipi çərçivəsində fəaliyyətimizi daha intensiv şəkildə həyata keçirərək azərbaycanlı qardaşlarımızla əlaqələrimizi daha da inkişaf etdirəcəyik. Azərbaycanlı qardaşlarımızla bundan sonra da bir ürək olmağa davam edəcəyik. Biz hər zaman Azərbaycanın yanındayıq”, -deyə nazir qeyd edib.

Azərbaycan ordusunun yenidən qurulması və Türkiyə Silahlı Qüvvələri ilə əməkdaşlıqla bağlı sualı cavablandıran Güler ​​bildirib ki, müdafiə naziri general Zakir Həsənov bu istiqamətdə mühüm nailiyyətlər əldə edib:
“Hər cür dəstəyi vermək və Azərbaycanın güclü ordusunu daha da irəli apara bilmək üçün NATO standartlarında təlimlərimizi birlikdə davam etdirəcəyik”.

VETENİM-AZERBAYCANDIR.AZ