SON DƏQİQƏ

VETENİM-AZERBAYCANDIR.AZ



9 may 2023-cü il tarixində Azərbaycan Gənc Müəllimlər Assosiasiyasının Lənkəran koordinatorları, Lənkəran-Astara Regional Təhsil İdarəsi və Lənkəran Şəhər Gənclər və İdman İdarəsinin dəstəyilə “Ümummilli lider Heydər Əliyevin 100 illiyi”nə həsr edilən Lənkəran məktəbliləri arasında intellektual yarış həyata keçirilib.
Yarışa Azərbaycan Respublikasının Dövlət Himni və Vətən uğrunda Şəhid olan həmvətənlilərimizin 1 dəqiqəlik sükutla yad edilməsi ilə başlanılıb. Daha sonra Heydər Əliyevin həyat və yaradıcılığı haqqında olan qısa videoçarx izlənilib. 
Yarışda 16 məktəb üzrə komandalar iştirak ediblər.  Yarış 3 mərhələdə keçirilib. 1-ci mərhələdə 8 komanda, 2-ci mərhələdə daha 8 komanda iştirak edib. 1-ci və 2-ci mərhələnin ilk üçlüyə düşən komandaları 3-cü mərhələdə yarışaraq qalibi təyin ediblər.  I yerin qalibi Lənkəran rayonu A.Əsədullayev adına Şağlaser kənd ümumi orta məktəbini təmsil edən “Şəhid Murad Hüseynzadə” komandası, II yerin qalibi Lənkəran şəhər 3 nömrəli məktəbi təmsil edən “Aslanovçular” komandası, III yerin qalibi isə Lənkəran şəhər 1 nömrəli məktəbi təmsil edən “Zəfər1” komandası olub.
Qalib gələn komandanın üzvləri Aytən Nəhmətova, Yeganə Hətəmova, İlahə Əbdülova, Zümrüd Həsənova, Gülanə Məlikova tarix fənni müəllimi Eldost Həmidovun və Elnurə Cəfərzadənin dəstəyi ilə hər bir mərhələdə böyük uğur qazanaraq 16 komanda arasında qələbə qazanıb.
Qalib gələn ilk 3 komandaya kuboklar verilib. Həmçinin Lənkəran Zuhur Telekom mağazası və Secret kitab evi qalib komandanın üzvlərinə aksesuarlar və kuponlar hədiyyə ediblər.


#ElmvəTəhsilNazirliyi
#Lənkəran-AstaraRegionalTəhsilİdarəsi
#HeydərƏliyev #Lənkəran #Şağlaser
#İntellektualyarış Lənkəran - Astara Regional Təhsil İdarəsi Azərbaycan Respublikası Elm və Təhsil NazirliyiAzərbaycan Gənc Müəllimlər Assosiasiyası

VETENİM-AZERBAYCANDIR.AZ